တရုတ်ပြည် အရှေ့မြောက်ပိုင်းမှာ တရုတ်လေယာဉ်တစီး ပြေးလမ်းလွန်သွားပြီး မီးလောင်သွားခဲ့တဲ့အတွက် အပျက်အစီးတွေ ကြားထဲကနေ လူ ၄၂ ယောက်ရဲ့ အလောင်းကို ဖော်ထုတ်ပြီးခဲ့ပြီလို့ တရုတ် နိုင်ငံတော်ပိုင် မီဒီယာတွေက ဆိုပါတယ်။
လူ ၄၉ ယောက်ကိုလည်း ကယ်တင်နိုင်ခဲ့ပြီး ဆေးရုံပို့ခဲ့တယ်လို့ ဆင်ဟွာ သတင်းဌာနက ပြောပါတယ်။ ၃ ယောက်ကတော့ ပြင်းပြင်းထန်ထန် ထိခိုက်ဒဏ်ရာ ရသွားခဲ့ကြတယ်လို့ ဆိုပါတယ်။
Henan လေကြောင်းလိုင်းပိုင် လေယာဉ်ဟာ မြူဆိုင်းနေချိန်မှာ Heilongjiang ပြည်နယ်က Yichun မြို့ လေယာဉ်ကွင်းကို ဆင်းဖို့ ကြိုးစားခဲ့တာ ဖြစ်ပါတယ်။
ဟာဘင်မြို့ကနေ ဒေသစံတော်ချိန် ည ၉ နာရီမှာ ထွက်ခွာခဲ့ပြီးနောက် တနာရီကျော်ကျော်မှာ အခုလို ပျက်စီးသွားခဲ့ရတာပါ။
လေယာဉ်ပေါ်မှာ ခရီးသည် စုစုပေါင်း ၉၁ ယောက်နဲ့ လေယာဉ်အမှုထမ်း ၅ ယောက် ပါရှိခဲ့တယ်လို့ ဆင်ဟွာကဆိုပြီး တခြား သတင်းတွေမှာတော့ စုစုပေါင်း ၉၁ ယောက်လို့ ဆိုထားကြပါတယ်။
ဒီခရီးသည်တွေထဲမှာ ကလေး ၅ ယောက်လည်း ပါရှိခဲ့ပြီး သူတို့ အသက်ရှင်၊ မရှင်တော့ သတင်းတွေမှာ ဖော်ပြမထားပါဘူး။
No comments:
Post a Comment