ဦးကျော်မြင့်နှင့် နောက်ထပ် ပြည်သူ့စစ်ခေါင်းဆောင်တစ်ဦးအား သြဂုတ်လဆန်းပိုင်းက ရမခတိုင်းမှူး ဗိုလ်ချုပ်အောင်သန်း ထွဋ် ကိုယ်တိုင် ခေါ်ယူပြီး နမ့်ခမ်းကြံ့ဖွံ့ပါတီကိုယ်စားလှယ်လောင်းအဖြစ် ရွေးချယ်ခဲ့ခြင်း ဖြစ်ကြောင်း သိရသည်။
ပန်းဆေးကျေးရွာအုပ်စု ပြည်သူ့စစ်ခေါင်းဆောင် ဦးကျော်မြင့်
၎င်းသည် နမ့်ခမ်းမြို့နယ် ပန်ဆေးအုပ်စုပြည်သူ့စစ်ခေါင်းဆောင် ဖြစ်သဖြင့် ဒေသတွင်း၌ ပန်ဆေးကျော်မြင့်ဟု လူသိများပြီး နအဖ စစ်အစိုးရ၏ အခွင့်ထူးပေးခံရသူ မူးယစ်ဆေးဝါးနှင့်ဆက်နွယ်မှုရှိသူ ဟူ၍လည်း ဂုဏ်သတင်းကြီးသူ ဖြစ်သည် ။
ဦးကျော်မြင့်သည် တရုတ်ပြည်ဘက်မှ ရွေ့ပြောင်းလာသည့် ခိုလှုံလီဆူးလူမျိုးများ နေထိုင်သော ပန်းဆေးအုပ်စုတွင် ငွေကြေး ဓနကြွယ် ၀ပြီး သြဇာအာဏာရှိသူ ခိုလုံလီဆူးလူမျိုး ခေါင်းဆောင်တစ်ဦး ဖြစ်သည်။
ယခုလို ဦးကျော်မြင့်အား ကြံ့ဖွံ့ပါတီကိုယ်စားလှယ်လောင်း အဖြစ်ရွေးချယ်ခံခဲ့ရခြင်း အပေါ်ဒေသခံကြံ့ဖွံ့အသင်းဝင်များ ကျေနပ်မှု မရှိကြောင်း သိရသည်။
“သူ့ရာဇ၀င်ကလည်း သိပ်မကောင်းဘူး။ နိုင်ငံရေးလည်းဘာမှမသိဘူး။ ပြည်ခိုင်ဖြိုးအနေနဲ့ပါလာတာကို မကြိုက်ကြဘူး။ အလုပ်အမှုဆောင်တွေပဲ သိတဲ့ကိစ္စပေါ့။ ဒီလိုဝင်လာရင်တော့ ပျက်ကုန်ပြီပေါ့” - ဟု စောစောက နီးစပ်သူကဆက် ပြောသည်။
ဦးကျော်မြင့်သည် ကြံ့ဖွံ့ကိုယ်စားလှယ်လောင်း အဖြစ် ရွေးချယ်ခံရပြီးနောက် သြဂုတ်လ ၂ ရက်နေ့တွင် နမ့်ခမ်းမြို့ ဇေယျ သုခကျောင်းတိုက်၌ သံဃာတော် ၁၀၈ ပါးပင့်ဖိတ် အလှူဒါနလုပ်ခဲ့ပြီး ယမန်နေ့က လီဆူးလူမျိုးစုများ၏ ရိုးရာနတ်ပူဇော် ပသပွဲ ပြုလုပ်ခဲ့သဖြင့် ရွေးကောက်ပွဲအောင်နိုင်ရန်အတွက် နတ်ပူဇော်သည်ဟု ဒေသခံများက ဝေဖန်ကြသည်။
နအဖစစ်အစိုးရသည် ၎င်းတို့အာဏာတည်မြဲရေးအတွက် တိုင်းတစ်ပါးသားများအပေါ် မှီခိုနေရာ ပြည်ပတွင်သာမက ပြည် တွင်းပြည်သူများ တိုင်းတစ်ပါးသားများ၏ ဗိုလ်ကျခြယ်လှယ်ခြင်း ခံနေရသည်။
No comments:
Post a Comment