ကျွန်တော်တို့ နိုင်ငံရပ်ခြား မိသားစု ဝမ်းရေး အတွက် ဖြေရှင်းဖို့
အလုပ်လုပ်ရန်လာရောက်သူများထဲမှ
ကံဆိုးစွာ အလုပ်ဒဏ်ကြောင့် အလုပ်ရုံပေါ်မှ ခုန်ချ ထွက်ပြေးပြီး
မည်သည့်နောက်ကြောင်းမှ မေးမြန်းမရသော
စိတ်ဝေဒနာ ခံစားနေရသော မြန်မာလူငယ်တစ်ယောက်အား
ဧဒင်ဥယျာဉ်မှ သက်ဆိုင်ရာ လူကြီးများဖြင့်ညှိနှိုင်းပြီး
စရိတ်အကုန်ကျအားလုံး စုပေါင်းလှူဒါန်း၍
မြန်မာပြည်မိသားစု ရှိရာသို့ပို့ဆောင်ပေးမည်ဖြစ်ပါတယ် ။
ထိုသူ အမည် ၊ နေထိုင်ခဲ့သော မြန်မာပြည်မှလိပ်စာ ( ကာယကံရှင်မှတ်မိသရွေ့)
သိရှိရန် ထိုစိတ်ဝေဒနာရှင် လူငယ် ထံ ကျွန်တော်တို့
သွားရောက်ပြီး ခက်ခဲစွာ ဓတ်ပုံရိုက်ယူခဲ့ပါတယ်
ထိုလူငယ်အား နေရပ်လိပ်စာစုံစမ်း၍ အတိအကျမရသော်လည်း
ရွှေပေါက္ကံ မြို့တွင်နေထိုင်ကြောင်း ပြောပြချက်ရ သိခဲ့ရပါတယ်။
စာရိတ္တကောင်းမွန်ပြီး ထမင်းစားလျှင်တောင် ခွင့်တောင်းပြီးမှ စားတတ်သည် ။
ငွေကြေးတစ်ကျပ်တစ်ပြား မယူတတ် ။ ပိုင်ရှင်မသိလျှင် ထမင်းပင် နှိုက်မစား ။
ဆာလျှင် ပြောသည် ၊ အသားငါး လုံးဝ မစား ထွေးထုတ်သည် ။
စိတ်ဝေဒနာ ခံစားနေရပြီး မည်သည့် တိကျသော အချက်အလက် အထောက်အထားကိုမျှ
မပြောနိုင်ပါ ။
မည်သည့် စက်ရုံမှ ထွက်လာသည်ကို လည်း အတိအကျ
စုံစမ်းမေးမြန်း ၍ မရပါ ။ လက်ထဲတွင် အထောက်အထားမရှိသောကြောင့်
မည်မှန်းလည်း အတိအကျမသိခဲ့ရပါ ။
ထိုသူအား လက်ရှိ Kampong Jawa ရှိ မြန်မာ လုပ်သားများရှိရာ Hostel တွင် ဝိုင်းဝန်း
စောက်ရှောက်ထားပြီး မည်သူ့ကိုမျှ ဒုက္ခ မပေးပဲ ဝေဒနာခံစားနေရပါသည်။
ထို့ကြောင့် ဧဒင်ဥယျာဉ်မှ မလေးရှားရှိ တရားဝင်အဖွဲ့စည်းများအား
အသိပေးပြီး စရိတ်ခံကာ ပြန်လည်ပို့ဆောင်မည်ဖြစ်ပါသည် ။
ကံဆိုးစွာ ဘာမျှ ပြန်မပြောနိုင်သော အလုပ်သမား မောင်ထက်မြတ်သူ
ခေါ် ဇေယျာ အား လိပ်စာ သိရှိနိုင်ရန် ဝိုင်းဝန်း ကူညီဖို့ ဤစာဖြင့် အသိပေးပါတယ်။
လူကြီးများ ၏ အကူညီဖြင့် အကြိမ်များစွာ အချိန်ယူမေးပြီး ရရှိထားသော
အချက်များကို ဓတ်ပုံနှင့်တကွ ရေးသားပေးခဲ့ပါတယ် ။
အမည် = မောင်ထက်မြတ်သူ ( တစ်ကြိမ်) ၊ ဇေယျာ ( ဒုတိယအကြိမ် )
အမည် 2 ခုသာ အတိအကျပြောသည် ။
မိဘအမည် = ဦးကျော်ဝင်း ၊ ဒေါ်စန်းမြင့်
မှတ်မိသော လိပ်စာ
( မင်းထူးကျော် မှတ်တိုင် ) 15 ရပ်ကွက် ၊ ရွေပေါက္ကံမြို့သစ် ၊ မြောက်ဥက္ကလာ ။
လှိုင်သာယာတွင်နေဘူးသည် ၊ လသာတွင်နေဘူးသည် ဟု ထပ်ပြောသည် ။
ဘာသာစကား ။
အင်္ဂလိပ်စကား ပြောနိုင်သည် ။
မလေးဘာသာစကား အနည်းငယ်ပြောနိုင်သည် ။
အသက် ခန့်မှန်း ( 24 - 28 ) ကြား
အရပ် - 5 ပေ 7 လက်မခန့်
အသားဖြူသည် ။
ကျွန်တော်တို့ မေး၍ရသမျှ အကုန်ဖြစ်သည် ။
အောက်တွင် ရိုက်ထားသော ပုံအားတင်ပေးလိုက်သည် ။
အထက်ပါ စိတ်ဝေဒနာရှင်အတွက် ကျွန်တော်တို့ စုပေါင်းပြီး စရိတ်အကုန်ခံကာ
မိသားစု ဆက်သွယ်လာပါက အရောက်ပို့ပါမည် ။
မြန်မာ သံရုံး နှင့် ဆက်သွယ်ကာ တရားဝင် လေယာဉ်ဖြင့် ပြန်ပို့ပေးမည် ။
ထိုသူ၏ အချက်လက် အား ဧဒင်သို့ ဆက်သွယ်ပြီး မိသားစု ဆက်သွယ်နိုင်သည် ။
လုံးဝ မဆက်သွယ်ပါက ကျွန်တော်တို့ ဆေးကုသပေးမည် ။
ထို့နောက် မြန်မာသံရုံးဖြင့် ညှိနှိုင်းအကြံတောင်းမည် ။
ကုန်ကျမှု့အားလုံး ကျွန်တောတို့ ဧဒင်ရန်ပုံငွေမှ စုပေါင်း အကုန်ကျခံမည် ။
သို့ပါသောကြောင့် အွန်လိုင်းသုံးသူ မည်သူမဆို ဤဘလော့အား ကူးယူဖော်ပြပေးပြီး
မိသားစုမှဆက်သွယ်နိုင်ရန် ကျွန်တော်တို့ တတ်အားသလောက်ကြိုးစားခြင်းဖြစ်သည် ။
အတိဒုက္ခဖြင့် ၊ စာရိတ္တ ရိုးသားစွာ အများအားဒုက္ခပေးခြင်းမရှိသော
စိတ်ဝေဒနာရှင်အား ကူညီရန် ကျွန်တော်တိုက်တွန်းနှိုးဆော်ပါသည် ။
လေးစားလျှက်
Administrator Group
စုံစမ်းရန်
No comments:
Post a Comment